गर्छिन् धरणा गर्भको ती महिला आमा बनौ की भनी
दिन्छिन् जन्म पनि त बालशिशुको पुरा भई मास नै
थियो कष्ट अनेक गर्भ रहँदा दुःखै भयो के कति
बिर्सिन्छिन् सब दुःख नै त तिनले त्यो शिशु पाएपछि
आमाको ममता मनैभरी भयो काखै भरिको छ त्यो
उम्लन्छ ममता सदा दिनभरी मूटु सरीको छ त्यो
पग्लन्छ मन त्यो हिमाल सरि झैं धारा अटुटै कति
रित्तो हुन्न सदैब नै बगिरह्यो त्यो बाल शिशुप्रति
देखिन् बिम्ब त बालकै पनि सधै आफ्नो जीवनगौरव
हुर्कन्छ शिशु त्यो दिनै दिन अनि पाएर माया खुब
ख्वाई बालकलाइ नै त पहिले खाने पछि नै अनि
सारा हुन्छ समर्पणै समयको त्यो बाल शिशु छ नि
गर्छिन् आफ्नो सबै शरीर पनि त्यो बच्चा प्रति अर्पण
हेर्छिन् बालकलाइ नित्य पनि ती मानेर नै दर्पण
लोलिबोली सुनाएरै त पहिले संगीत नै भर्दछिन्
आनिबानी व्यवाहारका सब कुरा सिकाएरै सार्दछिन्
जीतपुर मावि देउमाई न.पा. इलाम