तेह्रथुम , बैशाख
लिम्बु गित संगितमा एकछत्र राज गरेका किरात मुन्धुमी गायक तथा संगितकार ब्रबिम सेर्माको ‘सेवारो नमस्ते’ बोलको म्यूजिक भिडियो सार्वजनिक भएको छ । नेपाली सुगम संगित क्षेत्रका पनि चम्किला नक्षत्रको रुपमा परिचित गायक सेर्मा पछिल्लो गित ‘सेवारो नमस्ते’ को म्यूजिक भिडियो सामाजिक सञ्जाल युट्युव मार्फत सार्वजनिक भएको हो ।
दिलकमल सेर्माको शब्द , फणिन्द्र राईको एरेञ्ज र गायक ब्रबिम अनि गितकार दिलकमल सेर्माकै संगित रहेको यो भिडियोमा चर्चित कलाकार विल्सन विक्रम राई ‘तोक्मे बुढा’ र एसिला राईले स्क्रिन सेयर गरेका छन् ।
किरात सभ्यतामा भेट हुदाको सगुन र बिदाई अनि शुभकार्यको प्रतिकको मिथक बोकेको ‘सेवारो’ लाई कलात्मक शैलीमा सांगितिक कथावस्तुमा समेटिएको भिडियोको कलाकार विल्सनले आफै निर्देशन गरेका हुन् । निर्देशक तथा कलाकार विल्सन्ले गायक ब्रबिमलाई विशिष्ट पात्रको रुपमा अघि सारेका छन् ।
ओर्जिन नेपालको युट्युव मार्फत सार्वजनिक गरिएको यो भिडियो माला तावा लिम्बु र डिल्लीराम बोखिमले निर्माण गरेका हुन् ।
भिडियो यता,
