प्रकाश नेपाल
इलाम । अहिले जिल्लामा एक लाख एघार हजार ६ सयले स्वास्थ्य बिमा गरेका छन । ६४ हजार पाँच सय दुई घरधुरी रहेको जिल्लाको तथ्यांकलाई आधार मान्ने हो भने जिल्लाको प्रत्येक घर धुरीमा स्वास्थ्य बिमाको पुगेको देखिन्छ । कम खर्चमै विभिन्न स्वास्थ्य समस्याको उपचार सेवा लिन सकिने भएकाले स्वास्थ्य बिमा गर्नेको संख्या बढ्दै गएको हो ।
बिमाले सर्वसाधारण आइपर्ने उपचारमा सहज पहुँच समेत बढ्दै गएको छ । पाँच जनासम्मको परिवारले एक लाख र प्रत्येक थप सदस्य बराबर २० हजारको दरले सेवाको दर बढ्दै जाने बिमितले अधिकतम् २ लाख रुपयाँसम्मको उपचार सेवा प्राप्त हुने स्वास्थ्य बिमाले गाउँका आर्थिक स्थीति कमजोर भएका सर्वसाधारणले उपचार सेवाको अभावलाई कम गर्दै गएको छ ।
बिमामा आबद्धलाई उपचार सेवासँगै ११ सय ३३ प्रकारको औषधी निशुल्क उपलब्ध गराउँने गरेको छ । स्वास्थ्य बिमा गर्न पाँच जनाको परिवारले तीन हजार पाँच सय बार्षिक शुल्क बुझाउँनु पर्ने नियम छ । पाँच जना भन्दा धेरै परिवारको सदस्य भएमा प्रत्येक थप सदस्य बराबर सात सयको दरले थप रकम तिर्नु पर्ने व्यवस्था छ । सरकारले प्रत्येक नागरिकलाई स्वास्थ्य सेवामा सहज पहुँच पु¥याउँन विभिन्न कार्यक्रम गरिरहेको छ । जसले नागरिकमा स्वास्थ्यमा सेवा पु¥याउँन नागरिकमा बिमाको पहुँच पुग्नु पर्ने स्वास्थ्य बिमा बोर्ड इलामका दर्ता अधिकारी खेम अधिकारीले बताउनुभयाे ।
७० वर्ष उमेर पुगेको जेष्ठ नागरिक, अशक्त अपाङ्गताको रातो कार्ड भएका व्यक्ति, कुष्ठरोगी, एच.आइ.भी संक्रमित, जटिल खालका क्षयरोग भएका बिरामीको निःशुल्क स्वास्थ्य बिमा हुने व्यवस्था छ । उपचारमा झन्झटिलो व्यवस्थापन भएपनि खर्चमा सहज हुने स्वास्थ्य बिमालाई प्रत्येक नागरिकमा पु¥याएर सेवा प्रदायक संस्थालाई समेत प्रभावकारी सेवा दिन जिम्मेवार बनाउन सके सेवामा थप आर्कषण बढने छ ।
