तेह्रथुम : चर्चित हास्यकलाकार विल्सन विक्रम राई (तक्मे बुढा)को ‘टिरिङ टिरिङ साईकलको घण्टीले’ बोलको गितको म्यूजिक भिडियो सार्वजनिक भएको छ । भिमफेदी गाईज्को साथमा कमेडियन अभियन र रमाईलो नृत्य समावेश भएको यो गितको म्यूजिक भिडियो तक्मेबुढा डट कम युट्युव च्यानलबाट सार्वजनिक गरिएको हो ।
सौरभ तिम्सिनाको शब्द , सि.डि. बिजय अधिकारको संगित र दर्शन वाग्लेको स्वर रहेको यो गितको भिडियोमा विल्सन नयाँ हेयर स्टायल र अलग्गै किसिमको गेटअपमा देखिन्छन् । भिडियोमा विल्सनलाई मोडल रेखा फागोले साथ दिएकी छिन् । पुर्वको बिभिन्न क्षेत्रमा छायाङकन गरिएको यो भिडियोको राई आफैले निर्देशन गरेका हुन् ।
वालकलाकारको रुपमा सिने क्षेत्रमा प्रवेश गरेका विल्सनले पाँच दर्जन बढि चलचित्रमा काम गरिसकेका छन् । पुर्वी पहाडी क्षेत्रमा बसोबास गर्ने लिम्बु समुदायको लाहुरेको क्यारिकेर गर्न माहिर राई विगत एक दशक यता ‘तक्मे बुढा’ उपनामले परिचित छन् ।
भिडियो :
