पाँचथर : नेपाल कम्युनिष्ट पार्टी ,एमाले (नेपाल-खनाल) निकट युवा संघ नेपाल पाँचथरको इन्चार्जमा प्रेम प्रकाश कुरुम्बाङलाई जिम्मेवारी तोकिएको छ ।
संघको माथिल्लो तह देखि स्थानीय तह सम्मको जिम्मेवारी तोकिएसंगै युवा संघको केन्द्रीय सदस्यहरुको जिम्मेवारी पनि बाँडफाँड गरिएको छ ।
संघका अध्यक्ष नरेश शाहीको अध्यक्षतामा बसेको पदाधिकारी बैठकबाट प्रदेश,जिल्ला तथा स्थायी कमिटी सदस्यहरु तोकिएको जनाइएको छ ।
यसैगरी प्रदेश १ इन्चार्जमा मुना शर्मा,सह-इन्चार्जमा गौरिमान परियार छन् भने पाँचथर इन्चार्जमा कुरुम्बाङ,सह-इन्चार्जमा लजिसा नेम्बाङ र स्थायी कमिटी सदस्यमा शिव थाम्सुहाङ्ग रहेका छन् ।
संघको केन्द्रिय सदस्य समेत रहेका कुरुम्बाङ्ग यस अघि पाँचथरमा दुई कार्यकाल सचिवालय सदस्य बिताएका छन् । पहिलो कार्यकालमा इलाका नम्बर ८ को इन्चार्ज र दोस्रो कार्यकालमा पाँचथरको इन्चार्ज समेतको जिम्मेवारी पुरा गरि सकेका उनी पछिल्लो समयमा सकृय युवा राजनीतिज्ञको रूपमा चिनिएका छन् ।
