एकतप्पा : इलामको फाकफोकथुम गाउँपालिका वडा नम्बर ७ एकतप्पमा अध्यक्ष कप खुल्ला नकआउट फुटबल प्रतियोगिता सुरु भएको छ ।
सिंहदेवी माध्यमिक विद्यालयको खेलमैदानमा शुक्रबारदेखि सुरू भएको प्रतियोगिताको उद्घाटन खेलमा कोल्बोटे युथ क्लबले एकतप्पाको सेपेगाउँ फुटबल क्लबलाई ० का विरुद्ध ६ गोल गर्दै विजयी बन्यो ।
१८ टीम सहभागी हुने प्रतियोगिताको फाइनल खेल कात्तिक २० गते हुने आयोजकले जनाएको छ ।
प्रतियोगिताको विजेता र उपविजेताले क्रमशः दुई लाख र एक लाख नगद, प्रमाण पत्र र मेडल पाउने फुटबल आयोजक समितिका अध्यक्ष डिकबहादुर बराईलीले जानकारी दिए ।
गाउँपालिकाका अध्यक्ष रामकुमार श्रेष्ठले प्रतियोगिताको उद्घाटन गर्दै स्वास्थ्यका लागि खेलकूद र राष्ट्रका लागि खेलकूद प्रतियोगिता आवश्यक रहेको बताए । उनले खेलकूदको माध्यमबाट एकतप्पा धेरै प्रगति गर्न सकेको जनाउँदै उनले खेलकूदलाई गाउँपालिकाले विशेष प्राथमिकतामा राख्ने बताए ।
सो अवसरमा गाउँपालिकाका उपाध्यक्ष सरस्वती राई, वडाध्यक्षहरू, विभिन्न संघसंस्थाका प्रतिनिधिहरुले मन्तव्य राखेका थिए ।
