इलामः विशेष अदालतले ललिता निवासको जग्गा प्रकरणमा भ्रष्टाचारको मुद्दा खेपिरहेका नेपाली कांग्रेसका उपसभापति विजय कुमार गच्छदारसँग १० लाख धरौटी माग गरेको छ ।
विशेष अदालतका प्रवक्ता पुष्पराज पाण्डेका अनुसार नेता गच्छदारलाई अदालतले बुधबार उक्त विवादमा बयान लिएर थुनछेक बहसपछि १० लाख धरौटी माग गरेको थियो । उनले बुधबार नै १० लाख धरौटी बुझाएका छन् ।
बालुवाटारको ११३ रोपनी सरकारी जग्गा व्यक्तिको बनाई भ्रष्टाचार गरेको आरोपमा अख्तियार दुरुपयोग अनुसन्धान आयोगले २०७६ माघ २२ गते गच्छदारविरुद्ध विशेष अदालतामा मुद्दा दायर गरेको थियो ।
नेता गच्छदार विरुद्ध नौ करोड ६५ लाख ७६ हजार बिगो माग गरिएको थियो । -अन्नपूर्णबाट
