काठमाडौं । पछिल्लो २४ घण्टामा देशभर ३ हजार ७४९ जना व्यक्ति कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका प्रयोगशालामा ९ हजार ९०१ जनाको पिसिआर र ५ हजार ३३७ जनाको एन्टीजेन परीक्षण गर्दा सो संख्यामा कोरोना संक्रमण पुष्टि भएको हो ।
योसँगै नेपालमा कोरोना भाइरस संक्रमितको कुल संख्या ६ लाख १९ हजार ४०१ पुगेको छ । जसमध्ये ५ लाख १५ हजार ५९१ जना संक्रमणमुक्त भएका छन् भने ७७ हजार ८५८ जना सक्रिय संक्रमित रहेका छन् ।
पछिल्लो २४ घण्टामा देशभर ५९ जना संक्रमितको मृत्यु भएको छ । हालसम्म ८ हजार २३८ जना संक्रमितको मृत्यु भएको छ ।
पछिल्लो २४ घण्टामा ५ हजार २९३ जना कोरोना संक्रमणमुक्त भएका छन् ।
