गीतकार सुबाश जमरकट्टेलको सन्देशमुलक गीत ‘विश्व सारा’ एमपी टु क्रिएसन युटुव च्यानल मार्फत गीत सार्वजनिक गरिएको छ ।
सुबाश जमरकट्टेलका शब्दमा वरिष्ट संगीतकार विकाश चौधरीले संगित भरेका छन् भने द भ्वाईस अफ नेपाल सिजन टु का उपविजेता चर्चित तथा लोकप्रिय गायक विकाश लिम्बुको स्वर रहेको छ । शुसिल विक्रम शाहले रेकर्डिङ तथा मिक्सिङ गरेका छन् भने दयाराम घिमिरेले भिडियो सम्पादन गरेका छन् ।
कोरोना महामारीले घर भित्रै थुनिएर रहेका बेला सबैलाई उत्प्रेरणा जगाउने खालको सन्देशात्मक गीतमा गीतकार सुबाश जमरकट्टेलले आजको समाजमा देखिएका,सुनिएका र भोगिएका यथार्थलाई गीतका शब्दमा टपक्कै टिपेका छन् ।
थोरै शब्दबाट मानव जीवन र जगतकै यथार्थलाई उतारिएको छ । गीतको भिडियो पनि हालको कोरोना भइरसको डर त्रास र भयलाई देखाउदै त्यसबाट हतास र निरास नभई सहयोग र सेवाको बाटोमा जुट्न अनुरोध गरिएको प्रेरणादायी छ ।
दोस्रो लहरको कोरोना कहर कै बीचमा लेखिएको गीत,बन्दाबन्दिकै बीचमा मिरा साउण्ड रेकर्डिङ स्टुडियोमा रेकर्ड गरिएको हो ।समसामयिक भिडियो फुटेजहरु जोडेर बनाईएको गीतको भिडियो पनि निकै भावुक र सन्देशात्मक छ ।
