आजको साहित्य नयाँ वर्ष : गजल

  नयाँ बुलन्द  306 पटक हेरिएको

 

 

मनको त्वाँलो पुछेर सफा नयाँ साल आउनु
क्षितिजमा लाली मिर्मिरे उषा खोजेर ल्याउनु

अन्याय भयो बेथिति बड्यो कानून डरायो
निर्धाको मुख पीडितको आस बोकेर धाउनु

मुखमा आयो समृद्धि सुख जन-जनमा आएन
गाँस र बाँस स्वास्थ औ शिक्षा बनेर छाउनु

दुब्लायो हली सकेन जोत्न मेलोमा राखेर
छोडिए राँटा उम्कियो साँडे मेलोमा दाउनु

सबैको मन जोडिन सके असंभव के हुन्छ ?
दुखेको मन हारेको जन सोचेर बाउनु

घनश्याम पौडेल
माइजोगमाइ-१ नयाँबजार, इलाम

तपाईको प्रतिक्रिया

सम्बन्धित समाचार