काठमाडौं : पछिल्लो २४ घण्टामा देशभर थप १५२ जनामा कोरोना संक्रमण पुष्टि भएको छ । पछिल्लो २४ घण्टामा चार हजार २१३ जनाको पिसिआर परीक्षण गरिएको थियो ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थपिएका सङ्क्रमितसँगै नेपालमा कुल सङ्क्रमितको संख्या दुई लाख ७७ हजार ४६१ पुगेको छ ।
मन्त्रालयका अनुसार पछिल्लो २४ घण्टामा ६५ जना संक्रमणमुक्त भएका छन् । हालसम्म दुई लाख ७२ हजार ८५१ जना सङ्क्रमित कोरोनामुक्त भएका छन् ।
सङ्क्रमित निको हुने दर पछिल्लो केही समय यता घट्दै गएको छ । हाल निको हुने दर ९८.३ प्रतिशत छ ।
पछिल्लो २४ घण्टामा एक सङ्क्रमितको कोरोनाले गर्दा मृत्युको पुष्टि भएको छ । हालसम्म तीन हजार ३१ जना सङ्क्रमितले ज्यान गुमाएका छन् ।
हाल एक हजार ५७९ जना आइसोलेशनमा र ६३ जना क्वारेन्टिनमा छन् । हालसम्म २२ लाख ७५ हजार ५४० जनाको पिसिआर परीक्षण गरिएको छ ।
