काठमाडौँ : गीतकार तथा कलाकार स्पन्दन विनोदको ‘मुटुभित्र देश छ’को म्युजिक भिडियो सार्वजनिक भएको छ । गीतले स्वदेश तथा विदेशमा रहने हरेक नेपालीको भावना बोलेको छ । कमल अधिकारीको सङ्गीत संयोजन रहेको गीतमा पूजन मिश्रले आवाज दिएका छन् ।
भिडियो ओमप्रकाश अवस्थीको सम्पादनमा तयार पारिएको हो भने गायकको आफ्नै युट्युब च्यानल ‘स्पन्दन विनोद’मार्फत भिडियो सार्वजनिक गरिएको हो । नेपाली भाषा, पहिचान र विशेषता विश्वको कुनै कुनामा पुगेपनि भुल्नु नहुने गीतको भाव रहेको छ । गीतमा विश्वमाझ नेपालीहरुको पहिचान अलग रहेको झल्काइएको छ ।
