माइजोगमाई : नवदीप ज्योति समाजको आयोजनामा इलामको माइजोगमाई गाउँपालिका २ जोगमाईमा सञ्चालित नकआउट फुटबल प्रतियोगिताको उपाधि मिलियन फ्रेन्डस् कल्ब (एमएफसी) पान्दामले हात परेको छ ।
बुधबार जोगमाई स्थित ज्ञानोदय माविको खेल मैदानमा सम्पन्न फाइनल खेलमा सुदुङ्ग स्पोर्टिङ्ग क्लबलाई ३-० गोल अन्तरले पराजित गर्दै एमएफसी पान्दामले उपाधि हात परेको हो ।
जितसँगै एमएफसी पान्दामले नगद ३५ हजार सहित आकर्षक ट्रफी मेडल र प्रमाण पत्र प्राप्त गरेको छ भने सुदुङ्ग स्पोर्टिङ्ग क्लबले नगद २० हजार प्राप्त गर्दै ट्रफी मेडल र प्रमाण पत्रमा चित्त बुझाउनु पर्यो ।
खेलको म्यान अफ दि म्याच सुदुङ्ग स्पोर्टिङ्ग क्लबका अनिश राई , सर्वाधिक गोलकर्ता एमएफसी पान्दामलका पेम्बा योल्मु र उत्कृष्ट गोलरक्षक एफएफसीका सुजन फागो घोषित भए ।
आयोजक समितिका अध्यक्ष राजबहादुर राईको अध्यक्षता, गाउँपालिकाका अध्यक्ष जीतबहादुर राइको प्रमुख आतिथ्यता तथा वडा नं २ का अध्यक्ष डम्बर सुवेदी, बरिष्ठ लोक गायक इन्द्र गुरुङको विशेष आथित्यतामा समपन्न कार्यक्रममा खेलप्रेमी दर्शकका साथै स्थानियवासी र सञ्चारकर्मीहरुको उल्लेखनिय उपस्थिति रहेको थियो।
