बुद्ध (कविता)

बुद्ध आज नभए नि इतिहास गहिरो छ

उनकै जन्मभूमिमा आज ठुलो पहिरो छ ।

लाग्छ मलाई उनको अर्ती व्यर्थै सोच दिनाले

निमुखालाई अन्यायको हदै बोझ दिनाले ।

पानी विना माछा कहाँ एक्लै बाँच्न सक्छ

नलिएको ऋण तिर्दा कस्ले सहन सक्छ ।

पिता पू्र्खा नजान्नेले सारा धर्ती पाईसके

औंठा छाप लगाउनेले पक्का जागीर खाइसके ।

चोरी गर्ने भ्रष्टलाई दोसल्ला ओढाइन्छ रे

धर्म कर्म गर्नेलाई प्रार्थना छोडाइन्छ रे ।

शान्ति गाना गाई सक्यो, अब के गाउनुपर्छ

 फेरि पिन बुद्ध पाउन, हामी कहाँ धाउनुपर्छ ?

तपाईको प्रतिक्रिया

सम्बन्धित समाचार