काठमाडौं : नेपाल आइडलकी प्रतिस्पर्धी प्रमिला राईले आफूलार्इ धेरैभन्दा धेरै भोट गरिदिन अनुरोध गरेकी छन् । एपीवान एचडी टेलिभिजनमा हरेक विहीबार र शुक्रबार बेलुकी प्रसारण हुने नेपाल आइडलमा गत हप्ता आफूलाई कम भोट आएकोले अर्को राउण्डसम्म पुग्नका लागि आफूलाई भोट गरिदिन उनले आग्रह गरेकी छन् ।
‘सेवा अनि नमस्ते सबै’मा भन्दै उनले दर्शकहरुसँग भोट मागेकी छन् । किरात राईहरुले सम्मान तथा सम्बोधन गर्दा सेवा भन्ने गर्छन् । उनले अर्को राउण्डमा प्रवेश गर्नका लागि आफूले सक्दो राम्रो प्रस्तुति दिने बाचा समेत गरेकी छन् ।
नेपाल आइडलका प्रतिस्पर्धीहरुलाई भोटिङ गर्नका लागि विहीबार (आज) बेलुकी ८ः४५ देखि शुक्रबार दिउँसो १२ः बजेसम्म मात्रै समय तोकिएको छ । प्रमिला राईलाई भोट गर्नका लागि मोबाइलमा ०९ टाइप गरी ३५२२५ मा पठाउनुपर्नेछ ।
