काठमाडौं : साहित्यकार झमक घिमिरेको मदन पुरस्कार प्राप्त आत्मकथा ‘जीवन काँडा कि फूल‘ को हिन्दी संस्करण मंगलबार सार्वजनिक हुँदैछ ।
नेशनल बुक ट्रस्ट इन्डियाले हिन्दी संस्करण प्रकाशन गरेको हो । पुस्तकलाई सिक्किमका सीपी गिरीले हिन्दी अनुवाद गरेका हुन् । प्रधानमन्त्री केपी शर्मा ओली शर्मा सहभागी हुने कार्यक्रममामंगलबार राजधानीमा यो पुस्तकको विमोचन गरिनेछ ।
‘जीवन काँडा कि फूल‘ कृतिबाट झमकले ०६८ सालको मदन पुरस्कार पाएकी थिइन् । सो पुस्तकमा उनले आफ्नो जीवनका पीडा र संघर्ष लेखेकी छन् ।
पुस्तक विमोचन कार्यक्रममा उनकै आत्मकथाको पुस्तकमा आधारित फिल्मको गीति क्यासेटसमेत सार्वजनिक गरिने झमक घिमिरे साहित्य कला प्रतिष्ठानले जनाएको छ ।
यस्तै झमककै कवितासंग्रह ‘प्रेमिल आकाश‘ पनि प्रधानमन्त्री केपी ओलीका हातबाट विमोचन गरिनेछ ।
