नयाँ बुलन्द
इलाम : इलाममा विहीवारदेखि प्रर्दशन गरिएको बाटोमूनिको फूल २ ले गोलाखर्कस्थित राहसल बाल अनाथालयलाई आर्थिक सहयोग प्रदान गरेको छ ।
सोमवार सम्पन्न चलचित्रको अन्तिम प्रर्दशनको अवसरमा फिल्मस युनिटले नगद ११ हजार एक सय ५५ रुपैयाँ सहयोग प्रदान गरेको हो । रिदम फिल्मस प्रालिद्वारा निर्मित चलचित्र युनिटको तर्फबाट नरेन्द्र जवेगूले अनाथालय सञ्चालक समितिका अध्यक्ष राजेन्द्र चौहानलाई उक्त रकम हस्तान्तरण गरेका थिए ।
अनाथालय सहयोगार्थ प्रर्दशित चलचित्रको उद्घाटन सत्रमा गायक नायक यसकुमारको प्रस्तुती रहेको थियो । चलचित्र प्रर्दशनका क्रममा सदरमुकामका समता शिक्षा निकेतन, जुविलेन्ट इलाइट एकाडेमी, ज्योती विद्यामन्दिर, ज्योती सदन, हेरिटेज एकाडेमी, प्रज्ञासदन वोर्डिङ स्कुललगायत स्थानीय विभिन्न संघसंस्था र सरोकारवालाले सहयोग गरेका थिए ।
स्थानीय गौतम बुद्ध सभागृहमा प्रर्दशित चलचित्रमा राज सुब्बा लावती, गोपाल एक्तेन, घनेन्द्र कन्दङवालगायत कलाकारको पनि उपस्थिती रहेको थियो । स्थानीय गौतमबुद्ध सभागृहको सभाकक्षमा चलचित्र प्रर्दशन गरिएको हो ।
