नयाँ बुलन्द
इलाम : जेठ तेस्रो साता ‘मिस टीन पूर्वाञ्चल सीजन २’ प्रतियोगिता सञञ्चालन हुने भएको छ ।
विर्ता मिडिया एण्ड इन्टरटेनमेन प्राइभेट लिमिटेड विर्तामोडको आयोजनामा प्रतियोगिता सञ्चालन हुन लागेको संस्थाका संयोजक तथा वरिष्ठ कोरियोग्राफर राज सुब्बा लावतीले जानकारी दिए । लावतीका अनुसार पहिलो अडिसन पाँचथरको फिदिमबाट सुरु हुनेछ ।
फिदिममा जेठ २१ गते अडिसनको उद्घाटन हुने भएको छ । त्यस्तै इलाममा २३ गते, झापामा २५ गते, मोरङ्मा २६ गते र सुनसरीमा २७ गते अडिसन हुने आयोजकले जनाएको छ ।
प्रतियोगितमा प्रथम, दि्वतीय र तृतीय स्थान हासिल गर्नेले क्रमश नगद ५० हजार, ३० हजार र १० हजार पाउनेछन् । साथै तीनै जनाले छात्रवृति र मिस टिन नेपालमा सहभागि हुने अवसर समेत पाउनेछन् ।
प्रतियोगितामा १३ देखि १९ वर्षसम्मका किशोरीहरुले सहभागिता जनाउन पाउनेछन् ।
