इलाम : इलामको फाकफोकथुम गाउँपालिकास्थित सिंहदेवी मावि आमचोकमा जिल्लास्तरीय गोष्ठीका लागि प्रतिनिधि छनौट तथा आजीवन सदस्यहरूका लागि आज एकदिने प्रशिक्षण कार्यक्रम सम्पन्न भएको छ ।
आगामी २१ र २२ गते कन्काई मावि दानाबारीमा हुने जिल्लास्तरीय गोष्ठीका लागि छनौट गरिएको छ । फाकफोक, आमचोक, एकतप्पा र चमैताका विभिन्न विद्यालयका शिक्षक नायक र विद्यार्थीसहित १० जना प्रतिनिधि छनौट गरिएको हो ।
प्रशिक्षण उद्घाटन कार्यक्रममा विमल घिमिरे, अशोक पौडेल, देउकुमार थापा, मोतिखर पोखरेल र सुशिला अधिकारीलाई रेडक्रसको आजीवन सदस्यता प्रदानगरिएको छ । जुनियर युवा रेडक्रसका लागि कन्काई मावि दानाबारीमा हुने जिल्लास्तरीय कार्यक्रमका लागि प्रशिक्षण तथा छनौट कार्यक्रम सम्पन्न गरिएको छायाँदेवी माविका जीवन सुवेदीले बताए ।
जुनियर युवा रेडक्रस सर्कलका अध्यक्ष समिर अधिकारीको अध्यक्षतामा भएको कार्यक्रममा प्रधानाध्यापक मोतिखर पोखरेल, रेडक्रस जिल्ला सभापति देवीप्रसाद गौतम, उपशाखा एकतप्पाका सभापति केदार खनाल, वडाध्यक्ष राजन पौडेल, शिक्षक दिपेन्द्र पराजुलीलगायतले बालेका थिए ।
जिल्ला सभापति गौतम र परामर्शदाता रोमनाथ आचार्यले प्रशिक्षण दिएका थिए ।
