नयाँ बुलन्द
इलाम : प्रधानमन्त्री कप राष्ट्रिय महिला क्रिकेट प्रतियोगितामा पुर्वाञ्चलबाट सहभागी भई उपविजेता भएका इलामका तीन खेलाडीहरुलाई सदरमुकाममा सम्मान गरिएको छ ।
राष्ट्रिय युवा परिषद्को स्थापना दिवशको उपलक्ष्यमा आइतबार एक कार्यक्रमको आयोजना गरि उनीहरुलाई सम्मान गरिएको हो ।
जिल्ला युवा समिति इलामको आयोजनामा भएको कार्यक्रममा महिला क्रिकेट खेलाडीहरु पुष्पा मगर, जानुका खवास, संगम तामाङलाई सम्मानपत्र सहित सम्मान गरिएको थियो ।
उनीहरुलाई १ नम्बर प्रदेशका सांसद रामबहादुर रानाले दोसल्ला ओडाएर सम्मानपत्र सहित सम्मान गरेका थिए । कार्यक्रम जिल्ला युवा समिति इलामका अध्यक्ष नवराज शंकरको अध्यक्षतामा सम्पन्न भएको थियो ।
