नयाँ बुलन्द
पथरी : मोरङको पथरीशनिश्चरे-१ मा स्थापित न्यू पेगोडा आवासीय माध्यमिक विद्यालयले रजत जयन्तीको अवसरमा विविध कार्यक्रमको आयोजना गर्ने भएको छ ।
शुक्रबार पत्रकार सम्मेलन मार्फत सो कुराको जानकारी विद्यालयले दिएको छ । निजी विद्यालय बीच भलिबल प्रतियोगिता र हाजिरीजवाफ प्रतियोगिता आयोजना गरिने जनाइएको छ । भलिबल प्रतियोगितामा १० वटा विद्यालयको र हाजिरी जवाफमा १२ वटा विद्यालयले सहभागीता जनाउँदैछन् ।
विद्यालयको स्थापना २५ वर्ष पुगेको अवसरमा अन्तर विद्यालय हाजिर जवाफ प्रतियोगिता र भलिबल प्रतियोगिता ३, ४, ५ गते सम्पन्न गरी ६ गते समापन गरिने विद्यालयका प्रिन्सिपल टिका प्रसाद दंगालले जानकारी दिए । विद्ययालका अभिभावक बीच हण्डीफोर र म्युजिकल चेयर प्रतियोगिता पनि हुने विद्यालयले बताएको छ ।
कार्यक्रममा खेल तालिका पनि सार्वजनिक गरिएको थियो । विभिन्न साँस्कृतिक, मनोरञ्जन र नर्सरी देखि १० सम्मका विद्यार्थीहरुको पुरस्कार सहित भलिबल र हाजिर जवाफको पुरस्कार ६ गते शुत्रबारका दिन प्रदान गर्ने विद्यालयले जनाएको छ ।
