दक्षिण जेरुसेलममा अन्धाधुन्ध गोली प्रहार, ३ जनाको मृत्यु हुँदा १६ घाइते

दुई बन्दुकधारीले दक्षिणी जेरुसेलमको एउटा बस प्रतीक्षालयनजिकै अन्धाधुन्ध गोली चलाएका थिए ।

यसैबीच गएराति इजरायल र हमासबीच संघर्षविश्राम सकिनै लाग्दा थप चौबीस घण्टा लम्ब्याउने सहमति भएको छ । जसअनुसार थप चौबीस घण्टाको संघर्षविश्राम आज स्थानीय समयअनुसार मध्यरातसम्म लागु हुनेछ ।

त्यसैगरी इजरायलले ३० बन्दी रिहा गरेको थियो । इजरायलले रिहा गरेका बन्दीमा धेरै महिला तथा बालबालिका थिए । संघर्षविश्रामको छैटौं दिन हिजो पनि १४ र ८ वर्षका दुईजना प्यालेस्टेनी बालक जेनिन सहरमा इजरायली आक्रमणमा मारिएका थिए । जेनिन र जेरुसेलमको घटनाले संघर्षविश्रामलाई प्रभावित पार्नसक्ने जनाइएको छ ।