धेरै अभिभावकहरुले पनि सरकारको यो कदमको प्रशंसा गरेको भनेर रोयटर्सले लेखेको छ।प्रधानमन्त्री अल्बानिजले बालबालिकाहरूलाई सामाजिक सञ्जाल छाडेर खेलकुद, संगीत र अध्ययनजस्ता कार्यहरूमा लाग्न भनेका छन्।सरकारले यसलाई कार्यान्वयन पक्ष पनि बलियो बनाएको छ।सरकारले ल्याएको यो व्यवस्था कार्यान्वयन नभए त्यस्ता बालबालिका वा उनीहरूका अभिभावकलाई केही नहुने तर त्यस्ता प्ल्याटफर्महरूलाई कारबाही हुनेछ।रोयटर्सका अनुसार निषेध गरिएका सामाजिक सञ्जालहरूमा बालबालिकालाई पहुँच भए त्यस्ता प्ल्याटफर्महरूलाई झन्डै ५ करोड अस्ट्रेलियन डलर जरिवाना लाग्नेछ।यसले त्यस्ता प्ल्याटफर्महरूलाई पनि आफ्नो तहबाट जिम्मेवार बनाउनेछ।
सामाजिक सञ्जाल प्ल्याटफर्महरूले नयाँ खाता लागि प्रयोगकर्ताहरूका लागि आफ्नो उमेरसँगै सेल्फीमार्फत उमेर अनुमानजस्ता विधि प्रयोग गर्ने सरकारले बताएको छ। आवश्यक परे परिचयपत्र र बैंक विवरणजस्ता कडा प्रमाण पनि मागिन सकिने जनाएका छन्।
नयाँ व्यवस्थापछि धेरै बालबालिकाहरूले गुडबाई भनेर आफ्नो सामाजिक सञ्जाल अकाउन्टमा पोस्ट लेखेका छन्।
रोयटर्सका अनुसार कानुन लागु हुनुअगाडि नै १० लाख बालबालिकाहरूले गुड बाइ भनेर आफ्नो अकाउन्टमा पोस्ट लेखेका छन्।
केहीले भने यसको विरोध पनि गरेका छन्।
‘अब सामाजिक सञ्जाल छैन । अब विश्वसँग संपर्क छैन,’ एक किशोरीले टिकटकमा भनेकी छन्।
सामाजिक सञ्जाल बन्दपछि धेरैले #seeyouwhenim16 लेखेर ह्यासट्याग अभियान पनि चलाए।
बालबालिकाको मानसिक स्वास्थ्यमा सामाजिक सञ्जालका नकारात्मक असर, गलत सूचना, बदमासी र शरीरबारे हानिकारक सामग्रीका कारण सरकार वर्षभरि बहसपछि यस कडा कानुनमा पुगेको हो।
डेनमार्कदेखि न्यूजिल्यान्ड र मलेसियासम्मका देशहरूले अस्ट्रेलियाको मोडेल अध्ययन गर्ने संकेत गरेका छन्।
इलन मस्कको एक्सले नयाँ नियम मान्ने घोषणा गरेको छ।
‘यो हाम्रो रोजाइ होइन, अस्ट्रेलियन कानुनको माग हो,’ कम्पनीले भनेको छ।
अध्ययनले देखाएअनुसार ८ देखि १५ वर्षका ८६ प्रतिशत अष्ट्रेलियाली सामाजिक सञ्जाल प्रयोग गरिरहेका थिए। विज्ञहरूले यसले भविष्यका प्रयोगकर्ताको पाइपलाइनमै असर पार्ने चेतावनी दिएका छन्।
समुदायलाई ‘टुटाउने’ खतरा पनि
कतिपय किशोरकिशोरीहरूले भने प्रतिबन्धले केही समूहलाई एक्ल्याउने चिन्ता व्यक्त गरेका छन्।
‘एलजिबिटीक्वियर समुदायका मानिस वा विशेष रूचि भएका युवाको लागि त समस्या झन् बढ्छ,’ १४ वर्षीया एनी वाङले भनिन्, ‘धेरैले त्यहीँ आफ्ना भावना पोख्छन्, सहयोग खोज्छन्। यस्ता मानिसका लागि त मानसिक स्वास्थ्य झन् बिग्रन सक्छ।’ प्रतिबन्ध लागू नभए प्रयोगकर्ता वा अभिभावक होइन, सामाजिक सञ्जाल प्ल्याटफर्मले तिर्नुपर्नेछ करोडौं डलर जरिवाना
अस्ट्रेलियाले १६ वर्ष मुनिका बालबालिकाहरूलाई सामाजिक सञ्जाल प्रयोगमा प्रतिबन्ध लगाएको छ। बुधबारदेखि लागु हुने गरी अस्ट्रेलियाले कानुन नै ल्याएर बालबालिकाहरुलाई सामाजिक सञ्जालका १० वटा प्ल्याटफर्म प्रयोगमा निषेध गरेको हो। अन्तर्राष्ट्रिय समाचार संस्था रोयटर्सका अनुसार फेसबुक, इन्स्टाग्राम, टिकटक, युट्युब, एक्स, थ्रेड, स्न्यापच्याट, रेडिट, ट्वीच र किकजस्ता प्ल्याटफर्महरू प्रयोगमा १६ वर्षमुनिका बालबालिकाहरूलाई निषेध गरेको हो। प्रधानमन्त्री एन्थोनी अल्बानिजले यो कदमलाई अस्ट्रेलियन बालबालिकाका अभिभावकले गर्व गर्ने दिनका रूपमा व्याख्या गरेका छन्। ‘यो हाम्रो राष्ट्रले भोग्न लागिरहेको सबैभन्दा ठूलो सामाजिक र सांस्कृतिक परिवर्तनमध्ये एक हो,’ उनले भने, ‘यसले विश्वभर प्रभाव पार्नेछ।’
