पर्वत : पर्वत जिल्लाको मोदी गाउँपालिका–६ तिलाहारको बेतनीस्थित पोखरा–बागलुङ सडकखण्डमा सोमबार विहान यात्रुवाहक बस दुर्घटना हुँदा १६ जना घाईते भएका छन् ।
पोखराबाट मुस्ताङका लागि आउँदै गरेको ग१ख ५५९८ नम्बरको बस सडकबाट २०/३० मिटर तल खेतमा खस्दा १६ जना घाईते भएका हुन् । जिल्ला प्रहरी कार्यालय पर्वतका प्रहरी निरीक्षक सुरज खत्रीका अनुसार ६ जना गम्भीर घाईतेलाई थप उपचारको लागि पोखरा गण्डकी अस्पताल लगिएको छ भने अन्य घाईतेहरुको जिल्ला अस्पताल पर्वतमा उपचार भइरहेको छ ।
बसका चालक प्रहरीको नियन्त्रणमा रहेको प्रहरी निरीक्षक खत्रीले जानकारी दिए । दुर्घटनाको विस्तृत विवरण भने आउन बाँकी रहेको प्रहरीले जनाएको छ ।
