पाल्पाको रिब्दीकोट गाउँपालिका–६, ठिमुरेमा जिप दुर्घटना भई बेपत्ता भएका दुईजनाको शव भेटिएको छ ।
तानसेन नगरपालिका–१० गणशालका २५ वर्षीय विवेक पौडेल र डोल्पा ३६ वर्षीय टंक चलाउनेको शव फेला परेको हो ।
जिपले च्यापिएको अवस्थामा उनीहरुको शव भेटिएको प्रहरीले बताएको छ ।
बा१च ८९७० नम्बरको हाइलक्स जिप शनिबार बेलुकी ६ बजे दुर्घटना भएको थियो । दुवै शवलाई पोष्टमार्टम गरी आफन्तलाई बुझाइएको छ ।
जिप सदरमुकामबाट ठिमुरेमा विद्युत सामन पु¥याई फर्किने क्रममा दुर्घटना भएको थियो । सडक चिप्लो र कच्ची भएका कारण दुर्घटना भएको प्रहरीको भनाइ छ ।
