इलाम : प्रहरीले इलामको चुलाचुली गाउँपालिकाबाट भरुवा बन्दुकसहित ५ जनालाई पक्राउ गरेको छ ।
पक्राउ पर्नेमा चुलाचुली गाउँपालिका बडा नं १ कमलबाट नयन फागो, पोवेन फागो, विवस फागो, विश्वजीत चेम्जोङ र पासाङ तामाङ रहेका छन् ।
युवाहरू भेला भएर झगडा गरिरहेको सूचना पाएपछि चुलाचुली गाउँपालिकाको पेल्टीमारीबाट खटेको प्रहरी टोलीले युवा सुतेको गोठमा भरुवा बन्दुकसमेत फेला पारेकाले बन्दुकसहित उनीहरूलाई पक्रेको जिल्ला प्रहरी कार्यालय इलामले जनाएको छ ।
प्रहरीका अनुसार घटनाबारे थप अनुसन्धान भइरहेको र उनीहरूविरुद्ध हातहतियार तथा खरखजनाअन्तर्गत मुद्दा दायर गरिएकोे जनाएको छ ।
