नयाँ बुलन्द
झापा : झापामा जारी रमपम झापा गोल्डकपमा एनआरटी क्लब काठमाडौं क्वाटरफाइनल प्रवेश गरेको छ ।
बिर्तामोडस्थित डोमालाल राजवंशी रंगशालामा आइतबार भएको दोस्रो खेलमा नेपाल पुलिस क्लबलाई २–१ ले पराजित गर्दै एनआरटीले क्वाटरफाइनलको यात्रा पक्का गरेको हो ।
जीतका लागी एनआरटीका लागी अशोक थापा मगर र राज पौडेलले गोल गोल गरेका थिए भने पुलिसका लागी बिक्रम धिमालले १ गोल फर्काएका थिए । खेलको ३१औं मिनेटमा पुलिसका बिक्रम धिमालले पहिलो गोल गर्दै पुलिसलाई अग्रता दिलाए पनि खेलको इन्ज्युरी समयमा एनआरटीका अशोक थापा मगरले गोल गरेर खेललाई बराबरीमा पुर्याए ।
निर्धारित ९० मिनेटको समयमा खेल बराबरी भएपछि १०-१० मिनेटको अतिरिक्त समय दिएर खेललाई अगाडि बढाइएको थियो । सोही अतिरिक्त समयमा एनआरटीका राज पौडेलले अर्को गोल गरी टिमलाई जीत दिलाएका थिए ।
लको म्यान अफ द म्याच एनआरटीका अशोक थापा मगर घोषित भए । एनआरटी अर्को खेल बिहिबार मनाङ मस्र्याङदी क्लवसंग खेल्ने छ । प्रतियोगिता अन्तरगत सोमबार हिमालयन शेर्पा क्लब र शसस्त्र प्रहरीको एपीएफ क्लबबीच प्रतिष्पर्धा हुनेछ ।
