इलाम नगरपालिका, नगर कार्यपालिकाको कार्यालय इलामको
मिति २०७९।२।२० को विश्व वातावरण दिवस मनाउने सम्बन्धी सूचना
यही २०७९।२।२२ गते तदनुसार जुन ५ का दिन “पृथ्वीको संरक्षण ः दिगो प्रकृतिमैत्री जीवनयापन” नाराका साथ विश्व वातावरण दिवस इलाम नगरपालिका, नगर कार्यपालिकाको कार्यालय, डिभिजन वन कार्यालय, हरित शान्ति अभियान, हरितनगर महिला समूह र समुदाय प्रहरी साझेदारी कार्यक्रमको सहकार्यमा निम्न कार्यक्रम गरी मनाइने भएकोले सो कार्यक्रमहरुमा सहभागिता तथा वृक्षारोपण कार्यक्रममा उपस्थितिका लागि हार्दिक अनुरोध छ ।
निम्न :
१) मिति २०७९।२।२२ गते आइतबार बिहान ८ बजे इलाम नगरपालिका वडा नं. ८ स्थित हरित शान्ति पार्कमा वृक्षारोपण र हरित शान्ति पार्कको अवलोकन
२) मिति २०७९।२।२२ गते आइतबारका दिन खिचिएको प्रकृति र वातावरणसंग सम्बन्धित फोटो [email protected] वा [email protected] मा २०७९।२।२४ गते भित्रमा मेल गर्ने, उत्कृष्ट फोटो छनोट गरी पहिलोलाई रु २५००।०० दोस्रोलाई रु १५००।०० र तेस्रोलाई रु १०००।०० पुरस्कार प्रदान गरिने ।
३) मिति २०७९।२।२२ गते आइतबार दिन इलाम नगर क्षेत्रभित्रको सामुदायिक वन वा विद्यालयको बगैंचामा सामुदायिक वन भए उपभोक्ता समूहको पदाधिकारी र विद्यालयको बगैंचा भए विद्यालयका प्रधानाध्यापक वा विद्यालयको सूचना अधिकारी देखिने गरी विरुवा रोपेको र संरक्षण गरेको दृश्य झल्किने गरी खिचिएको कम्तीमा ३ मिनटको भिडियो सामाजिक सञ्जाल फेसबुकमा अपलोड गरी सो भिडियो [email protected] वा [email protected] मा मेल गर्ने, उत्कृष्ट भिडियो पठाउने विद्यार्थीको भिडियो छनोट गरी पहिलोलाई रु ३५००।०० दोस्रोलाई रु २५००।०० र तेस्रोलाई रु १५००।०० पुरस्कार प्रदान गरिने ।
