डडेल्धुरा : गौरापर्वको समापनसँगै डडेल्धुरामा हुक्काचिलिम महिला देउडा प्रतियोगिता आयोजना हुने भएको छ ।
आउँदै गरेको तीजलाई लक्षित गरी डडेल्धुरा सदरमुकामको बसपार्कमा महिला देउडा खेल आयोजना गर्न लागिएको हो ।
प्रतियोगिताको तयारीसँगै बजारमा चहलपहल वृद्धि भएको छ । हुक्काचिलिम समाज कञ्चनपुरले प्रदेश नं. ७ को मौलिक संस्कृति भेषभूषा संरक्षण तथा प्रबर्द्धन गर्न हुक्काचिलिम महिला डेउडा प्रतियोगिता आयोजना गरेको जनाएको छ ।
दुई दिनसम्म चल्ने प्रतियोगितामा गौरा पर्वमा खेलिने डेउडा नाँच लगायत विभिन्न सांस्कृतिक प्रस्तुति प्रदर्शन गरिनेछ ।
