.jpg)
नयाँ बुलन्द
इलाम : सनराइज बैंक लिमिटेडले इलाम शाखालाई नयाँ स्थानमा सारेको छ । हाल शाखा भैरहेको स्थानबाट अझै बढी पायक पर्ने ठाँउमा सारिएको बैंकले प्रेस बिज्ञप्तिमार्फत जनाएको छ ।
इलाम शाखा कार्यालयको उद्घाटन सोमबार बैंकका नायव महाप्रबन्धक रविन नेपाल र इलामका जिल्लाका प्रमुख जिल्ला अधिकारी जनक राज दाहालले गरे ।
नयाँ स्थानमा ग्राहकहरुलाई लकर सेवा समेत उपलब्ध गराइएको छ । बैंकले उक्त शाखामा अागामी माघ १७ गते देखि फागुन १७ गतेसम्म लकर सेवाको वार्षिक भाडा दरमा ५० प्रतिशत छुटको व्यवस्था समेत गरेको जनाएको छ ।
हाल सनराइज बैंकले देशभर ६७ वटा शाखा र ७२ वटा एटिएमबाट सेवा दिँदै अाएको छ । यस्तै वि. पि. कोइराला स्वास्थ्य विज्ञान प्रतिष्ठान धरान, चितवन मेडिकल कलेज नारायणघाट र मलेसिया भि.एल.एन. उत्तरढोका काठमाडौंमा एक्स्टेन्सन काउन्टर तथा १३ वटा शाखारहित बैंकिङ्ग सेवा संचालनमा रहेको प्रेस बिज्ञप्तिमा उल्लेख छ ।
