काठमाडौं : पछिल्लो २४ घण्टामा काठमाडौं उपत्यकामा ९९३ सहित देशभर थप ३,४०३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ११ हजार ८३९ पीसीआर परीक्षणमा २,६१३ र ४,९९९ एन्टिजेन परीक्षणमा ७९० जना गरी कुल ३,४०३ जनामा संक्रमण पुष्टि भएको हो । मन्त्रालयका अनुसार पछिल्लो २४ घण्टामा देशभरबाट २,१०४ जना संक्रमणमुक्त भएका छन् ।
पछिल्लो २४ घण्टामा ४२ जना कोरोना संक्रमितको मृत्यु भएको मन्त्रालयले जनाएको छ । पछिल्लो २४ घण्टामा काठमाडौं उपत्यकामा मात्र ९९३ जना संक्रमित थपिएका छन् । जसमध्ये काठमाडौंमा ७११, ललितपुरमा १६० र भक्तपुरमा १२२ जनामा कोरोना पुष्टि भएको मन्त्रालयले जनाएको छ । हाल देशभर कोरोना सक्रिय संक्रमितको संख्या ४० हजार ३३८ रहेको छ ।
