काठमाडौं : नेपाली कांग्रेसको भातृसंगठन नेपाल विद्यार्थी संघले सरकारको विरोध गर्दै मंगलबार काठमाडौंको त्रिचन्द्र क्याम्पसअगाडि प्रदर्शन गरेको छ ।
सरकारविरुद्ध चर्काे नाराबाजी गर्दै प्रदर्शनमा उत्रिएकाहरुले प्रधानमन्त्री केपी शर्मा ओलीको पुत्लासमेत जलाएका थिए ।
प्रदर्शनमा प्रहरीले हस्तक्षेप गर्नुका साथै लाठीचार्जसमेत गरेको थियो ।
लाठीचार्जबाट केही विद्यार्थीहरु घाइते भएका जनाइएको छ ।
मंगलबार बिहान बालुवाटारमा प्रदर्शन गर्नेक्रममा पक्राउ परेका नेविसंघका कार्यकर्तालाई छाड्न माग गर्दै दिउँसो प्रदर्शन गरिएको हो ।
