फाकफोकथुम गाउँपालिका २ नं. वडा कार्यालयको परिचय (प्रगति विवरणसहित)

परिचय

नेपालको सुदुर पूर्वको जिल्ला इलामको पश्चिम भू-भागमा अवस्थित कोशी प्रदेशको सुन्दर जिल्ला इलामको पश्चिमी भु-भागमा रहेको फाकफोकथुम गाउँपालिकामा रहेका ‍७ वटा वडाहरुमध्येको वडा नं. २ कोल्बोटे हो ।  बहुजातीय, वहुभाषिक, वहुधार्मिक, सांस्कृतिक विविधताले भरिपूर्ण यस फाकफोकथुम गाउँपालिकाको उत्तर पश्चिम दिशामा यस २ नं. वडा अवस्थित रहेको छ । संघीय संरचनाको निर्माण हुने क्रममा साविक फाकफोक गा.वि.स.को वडा नं. ५ देखि ९ मिलेर फाकफोकथुम गाउँपलिका वडा नं. २ निर्माण भएको हो । यस वडा नं. २ को क्षेत्रफल १३.५८ वर्ग किलोमिटर रहेको छ भने  जनसंख्या महिला १३९६ जना र पुरुष १५६२ जना गरि जम्मा २९५८ जना रहेको र घरधूरी संख्या ६४९ रहेको छ ।  यस वडाको पूर्वमा फाकफोकथुम गाउँपालिकाको वडा नं. ६ र ७, पश्चिममा फाकफोकथुम गाउँपालिका को वडा नं. १,उत्तरमा पाँचथर जिल्लाको फाल्गुन्द गाउँपालिका र दक्षिणमा फाकफोकथुम गाउँपालिकाको वडा नं. ३ रहेको छ । यस वडा न.२ भौगोलिक हिसावले पहाडी क्षेत्रले ओगटेको छ । यहाँका अधिकांश बासिन्दा कृषि पेशामा संलग्न रहेका छन् । आर्थिक विकास अन्तर्गत ३५ भन्दा बढि पशुपालक कृषकहरुले फार्म दर्ता गरि दैनिक ७ हजार देखि ११ हजार लिटर सम्म दुध उत्पादन गर्दै आएको देखिन्छ यस क्षेत्रको मुख्य आर्थिक आय आर्जनका स्रोत अन्तर्गत घ्यू, छुर्पी, चिया, अम्लिसो, अदुवा, अकवरे खोर्सानी, किवि, अलैची रहेको पाइन्छ । शैक्षिक क्षेत्र अन्तर्गत यस २ नं. वडामा ४ वटा सामुदायिक विद्यालयहरु रहेका छन् जसमा १ वटा माध्यमिक विद्यालय रहेको छ भने बाकि ३ वटा आधारभूत विद्यालयहर रहेका छन् । विकासशिल अवस्थामा रहेको वडा नं. २ विकासको शिलशिलामा स्वास्थ्य तर्फ संघ अन्तर्गत १५ शैया वेड अस्पताल निर्माणाधिन अवस्थामा रहेको छ भने पूर्वाधार विकास अन्तर्गत मंगलबारे-फुङफुङ-दोकानडाँडा – एकतप्पा ८- दलबहादुर लावतिको घर हुदै साप्तिन पुछर – सल्लेरी – फुएतप्पा ९ – दशमी सडक निर्माण तथा स्तरोन्नतीबाट १५.९४ कि.मी. सडक कालोपत्रेको लागि प्रारम्भिक वातावरणिय परिक्षण (IEE) प्रतिवेदन तयारि सम्बन्धि सार्वजनिक सूचनाभर्इ योजनाको कार्यसञ्चालनहुने अवस्थामार हेको छ त्यसै गरि वडानं. २र३ जोड्ने खप्परेघाट पक्कि पुलनिर्माणाधिन अवस्थामा रहेको छ । विकासको फड्को मारिरहेको फाकफोकथुम गाउँपालिकावडा नं. २ मा एकचुले डाँडा, साब्लिथुम्कि डाँडा, फाकफोकखोला साप्तिन अन्तर्गत छाँगेटार झरना, खड्का गाउँ जोरधारा, खोगे सिंहदेवी देवस्थल जस्ता पर्यटकिय सम्भावना बोकेका स्थानहरुले फाकफोकथुम गाउँपालिकाको समग्र पर्यटन क्षेत्रलाई  प्रबर्द्धन गर्न सकिने अवस्था देखिन्छ ।

सेवा प्रवाह

फाकफोकथुम गाउँपालिकामा वडा नं. २ को सेवा प्रवाहलाई प्रभावकारी तुल्याउन निम्नानुसारको व्यवस्था गरिएको छ ।

• सेवाग्राहीको हितलाई मध्यनजर गर्दै विभेद रहित सेवा प्रवाहको व्यवस्था मिलाईएको ।
• पहिले आउने सेवाग्राहिलार्इ पहिलो सेवा प्रवाह गरिएको साथै अपाङ, जेष्ठ नागरिकतथा  वालवालिकाहरुको सेवाकोलागि पहिलो प्राथमिकतामा राखिएको छ ।
• राजस्व प्रणाली अन्तर्गत आम्दानी तथा सेवा शुल्कलार्इ अनलाइन मार्फत सेवा प्रदान गरिएको छ ।
• योजना सम्झौतासँग सम्बन्धित आवश्यक कागजात वडा कार्यालयबाट नै तयार गरिदिने व्यवस्था मिलाइएको छ ।
• सेवाग्राहीलाई सेवा लिदा आवश्यक पर्ने सम्पूर्ण कागजातका फोटोकपी र योजनासँग सम्बन्धित आवश्यक कागजातका फोटोकपी वडा कार्यायलबाट नै गरिदिने व्यवस्था रहेको ।
• कामको शिलशिलामा जिल्ला सदरमुकाम,इलाका प्रशासन कार्यालय, मालपोतकार्यालय तथा अन्य कार्यालय पुगेर प्रमाणित कागजाहरु आवश्यक परेका सेवाग्राहीलाई वडाबाट विद्युतीय मेलको माध्यमबाट कागजात पठाइ सेवा ग्राहिको हितमा कामकाज गरिएको छ ।
• अत्यावश्यक कामको लागि सार्वजनिक विदाको दिन सेवा प्रवाह  गरिएको छ ।
• उपभोक्ता समितहरु गठन गर्दा वडा समितिले निर्णय गरेर मिति, समय र स्थान कम्तिमा ३ दिन अगावै सूचना सम्प्रेषण गरि गठन गर्ने गरिएको छ ।
• सामाजिक सुरक्षा भत्ता नवीकरणको लागि वडाको विभिन्न स्थानहरुमा शिविर सञ्चालन गरिदै आएको छ ।
• सम्पूर्ण योजनाको कामको प्रत्यक्ष प्राविधिकको निगरानीबाट हुने र भुक्तानी हुनु अगावै वडाका प्रतिनिधिहरुबाट अनुगमन तथा मुल्याङ गरी र पाँच लाख भन्दा माथिका योजनाहरु अनुगमन समितिका संयोजक गाउँपालिकाको उपाध्यक्ष सहितको टोलीबाट अनुगमन गरेर मात्रै भुक्तानीको सिफारिस दिने गरिदै आएको छ ।

राजश्व/ आम्दानी विवरणआ.व.२०८०/०८१ (वैशाख मसान्त सम्म)

 व्यक्तिगत घटना दर्ता विवरण(बैशाख मसान्त सम्म)

 वडाकार्यालयबाट चलानी भएको  पत्र संख्या (बैशाख मसान्त सम्म)

विकास निर्माण

फाकफोकथुम गाउँपालिका वडा नं. २को वडा अन्तर्गत विनियोजन भएको बजेट शीर्षकहरु-

फाकफोकथुम गाउँपालिका वडा नं. २ बाट सम्पन्न भएका योजनाको विवरण

 सम्पन्न भएको योजनाको नाम

सम्झौता भई कार्यान्वयनको चरणमा रहेका योजनाहरु-

• वडा भवन फिनिसिग तथा रगरोगन वडा न २- रु ५०००००।–
• लुर्इटेल डाडा मन्दिर निमार्ण- रु २०००००।–
• खोगे सि‌हदेबी देवस्थल पथमार्ग निर्माण वडा न.०२- रु.२०००००।–
• साराङगे गाँउ खानेपानी योजना-रु.७००००।–
• आठ एक्ले गाँउ खानेपानी योजना-रु.१०००००।-
• रार्इकुलो निर्माण योजना – रु.

सामाजिक विकास तर्फ सञ्चालन भएको योजना-

• लुर्इटेल डाडा मन्दिर निमार्ण-रु २०००००।–
• खोगे सि‌हदेबी देवस्थल पथमार्ग निर्माण वडा न.०२- रु.२०००००।–
• साकेला थान निर्माण योजना रु- ५०००००।

फाकफोकथुम गाउँपालिका वडा नं. २ मा सञ्चालन भएको  विभिन्न कार्यक्रमहरुको विवरण(तालिम तथा विविध)-

• योजना सझौता सञ्चालन सम्बन्धि एक दिने अभिमुखीकरण कार्यक्रम ।
• कृषि विकास शाखाको आयोजनामा मकैको विउ तथा सब्जिकिट वितरण गरिएको ।
• पशु विकास शाखा मार्फत २० जना कृषकहरुलार्इ सुधारिएको गोठ कार्यक्रम संचालनको प्रकृयामा रहेको ।
• भ्लेज प्रोफारइलको लागि घरधूरी सर्वेक्षण कार्यक्रम सम्पन्न भएको ।
• झोल तथा डल्ले साबुन बनाउने तालिम सञ्चालन भएको ।
• खोला तथा खोल्साहरुको लागी हुयुम पार्इप  खरीद गरी योनजा सञ्चालन गर्ने प्रकृयामा रहेको।

संघ/प्रदेश अन्तर्गत सञ्चालन भएका योजना-

सुशासन-

यस फाकफोकथुम गाउँपालिका वडा नं. २ बाट हुने सेवा प्रवाहलाई जनमुखी बनाई नागरिकको अपेक्षाअनुरुप प्रभावकारी ढंगबाट छिटो, छरितो र प्रभावकारी सेवाका माध्यमबाट नागरिकलाई सुखद अनुभूति दिलाउने प्रुयास नै यस वडा नं. २ मा भएको सुशासनको थालनी हो । यस वडा नं. २ मा सुशासनलाई प्रवर्द्धन गर्न गरिएका प्रयासहरुलाई निम्नानुसार उल्लेख गरिएको छ –

• जनशहभागितामूलक शासन व्यवस्थाको अभ्यास ।
• नागरिक वडा पत्रको व्यवस्था ।
• सूचना पाटी मार्फत सूचना सम्प्रेषणको व्यवस्था ।
• वडाको सूचना, सेवा प्रवाहको विषयमा सामाजिक सञ्जाल फेसबुक/ वेवसाइड र सार्वजनिक स्थानहरुमा सूचना टाँस गरि प्रचारप्रसार गर्ने गरिएको ।

धन्यवाद ।

(२०८१।०२।२७ गते सम्पन्न सार्वजनिक सुनुवाई कार्यक्रममा २ नं. वडा कार्यालयको तर्फबाट प्रस्तुत गरिएको विकास निर्माण, सुशासन प्रवर्द्धन र सेवा प्रवाह सम्बन्धीको प्रतिवेदन)