पाँचथरः हेवा खोलाको बेलीब्रिज निर्माण सम्पन्नपछि आइतबारदेखि संञ्चालनमा आएको छ । असार ३ गते आएको अविरल वर्षाका कारण पाँचथर जिल्लाको हेवा खोलास्थित मोटरेवल पुल बगाएर मेची राजमार्ग अवरोध भएको थियो । त्यसपछि वैकल्पिक रुपमा खोलामा तुइन,फड्के तथा अस्थायी डाइभर्सन पुल संञ्चालन गरि सवारी साधनहरुको आवत-जावत हुँदै आएता पनि दिर्घकालिन भने हुन सकेको थिएन् ।
साना सवारी साधनहरुलाई प्राथमिकता,एक तर्फि मात्र पालैपालो सवारी आवत-जावत हुने,पुलको किनारमा सुरक्षा जोखिम रहेको हुँदा पैदल यात्रुलाई समेत सचेत रहन आग्रह गरिएको छ । पुलमा २५ टन भन्दा बढीको ढुवानी गर्न नमिल्ने लगायतका नियमहरु लागु गरिएको जिल्ला प्रहरी कार्यालय पाँचथरले जनाएको छ ।
