इलाम : इलाममा थप दुई जनामा कोरोना संक्रमित देखिएको छ ।
जिल्ला समन्वय समितिको क्वारेन्टाइनमा बसेका इलाम नगरपालिका र सन्दकपुर गाउँपालिकाको युवामा कोरोनाको संक्रमण देखिएको स्वास्थ्य कार्यालय इलामका कोडिभ–१९ फोकल पर्सन बिमल बरालले जानकारी दिए ।
बैदेशिक रोजगारका शिलशिलामा विदेश रहेका दुवै जनालाई जिल्ला प्रवेश गर्नसाथ क्वारेन्टाइनमा राखिएको थियो ।
दुवै जनालाई उपचारको लागि गोठगाउँमा रहेको पुर्वाञ्चल विश्वविद्यालयको क्वारेन्टाइनमा पठाउने तयारी भइरहेको बरालले जानकारी दिए । गत २० असारमा स्वाव संकलन गरी परिक्षणका लागि पठाइएको थियो ।
योसँगै इलाममा कोरोनाको संक्रमितको संख्या १३ पुगेको छ ।