इलाम : इलामको माङसेबुङमा जारी १४ औं संस्करणको पवित्रहाङ्ममा कप महिला फुटबल प्रतियोगितामा (शुक्रबार) मानेभञ्ज्याङ फुटबल क्लब दार्जिलिङ भारत र नवोबुद्ध युवाक्लब सप्तरी भिड्दैछन् ।
प्रस्तावित आत्मानन्द रङ्गशाला माङसेबुङ-५ मा दिउँसो ३ बजे हुने खेलमा नवोबुद्धले विदेशी टिम मानेभञ्ज्याङको सामना गर्नुपर्नेछ ।
यसअघि आज (विहीबार) भएको दोस्रो क्वाटरफाइनल खेलमा विदेशी टोलि विवाइसी भुटानलाई २-० को सहज जितमा रोक्दै कनकाईले अन्तिमा चारमा आफ्नो स्थान सुरक्षित गरिसकेको छ ।
पूर्वी पहाडको सर्वाधिक पुरस्कार राशी भएको महिला फुटबल प्रतियोगितामा प्रतियोगितामा नेपाल, भुटान र भारतका ८ वटा महिला टोलिको सहभागितामा छ ।
विजेताले नगद तीन लाख एक सय ६८ र उपविजेताले नगद दुई लाख एक सय ६८ रुपैँया पाउनेछन् । सर्वाधिक गोलकर्ता, उत्कृष्ट खेलाडी, उत्कृष्ट डिफेन्डर र उत्कृष्ट गोलकिपरलाई जनही नगद पुरस्कार पाउनेछन् ।
किरात धर्मगुरुआमा साँवा पवित्रहाङ्मा लिङदेनको ६८ औं जन्मोत्सवको अवसरमा सञ्चालित प्रतियोगिताको फाइनल २ फागुनमा हुनेछ ।
