ताप्लेजुङ : ताप्लेजुङको सिरिजंघा गाउँपालिका–२ आम्बेगुदिनमा सडक निर्माणका क्रममा रुख ढलेर किच्दा एक जनाको मृत्यु भएको छ ।
आम्बेगुदिनस्थित हप्पुखोलाबाट तेल्लोक जोड्ने मोटरबाटो निर्माणका क्रममा ढलेको रुखले किच्दा स्थानीय ६० वर्षीया पदम माया खड्काको घटनास्थलमै मृत्यु भएको आम्बेगुदिन प्रहरी चौकीले जनाएको छ ।
प्रहरीका अनुसार बिहीबार दिउँसो घर छेउमा रहेर मेशिनले बाटो बनाएको हेर्ने क्रममा खड्कालाई अचानक ढलेको रुखले किचेको थियो । मेशिनभन्दा झण्डै पाँच मिटर पर रहेको सुकेको रुख मेशिनको भाइब्रेसनका कारण अचानक ढलेको हुन सक्ने प्रहरीको अनुमान छ ।
