इलाम : इलामको धार्मिक पर्यटकीय स्थल माईपोखरी क्षेत्रमा भीषण आगलागी सुरु भएको छ ।
सन्दकपुर गाउँपालिका १ र ३ मा पर्ने माइपोखरी बजारमा दिउँसो १ बजेदेखि आगलागी सुरु भएको हो । धार्मिक तथा पर्यटकिय स्थल माइपोखरी प्रवेशद्वार अगाडिका तीनवटा घरहरु जलेर नष्ट भईसेका छन् ।
स्थानीय चक्र मुखियाको भान्छा घरबाट सुरु भएको आगलागीबाट यो समाचार तयार पादासम्म कमल मुखिया र नीमदोर्जे शेर्पाको घर जलिसकेको स्थानीय संचारकर्मी दिनेश सुवेदीले जानकारी दिए ।
उनका अनुसार तत्कालै दमकल नआए धेरै घरहरु क्षति हुने छ । सार्थ धार्मिक तथा नजिकै रहको वनमा समेत आगलागि सुरु भइसकेकाले धेरै क्षति हुनसक्ने सुवेदीले बताए ।
स्थानीयले आगलागि नियन्त्रण गर्ने प्रयास गरिरहेका छन् । नेपाली सेना, सशस्त्र प्रहरी र नेपाल प्ररहीको समेत प्रयासमा आगलागी भईरहेका छन् ।
आगलागी नियन्त्रणका लागि इलाम सदरमुकामबाट दमकल आगलागि भएको स्थानसम्म पठाइसकिएको इलाम नगरपालिकाले जनाएको छ ।
इलाम सदरमुकामबाट दमकलसहित थप प्रहरी र नेपाली सेना समेत घटनास्थलतर्फ पठाइएको वताइएको छ ।
