इलाम : इलामको सूर्योदय नगरपालिकामा सुरु भएको दोश्रो संस्करणको सूर्योदय मेयरकप आमन्त्रण फूटबल प्रतियोगितामा झापाको शिवसतासी नगरपालिका सेेेेमिफाइनलमा प्रवेश गरेेेेको छ ।
सूर्योदय नगरपालिकाको आयोजनामा सूर्योदय नगरपालिका १२ करफोकमा सोमबार भएको खेलमा आयोजक सूर्योदय नगरपालिकालाई टाइब्रेकरमा ५-४ गोल अन्तरले पराजित गरेको हो ।
खेलको ३९ औं मिनेटमा शिवसतासीका भुवन बस्नेतले पहिलो गोल गरी टिमलाई अग्रता दिलाए । ४६ औं मिनेटमा दिनेश राईले गोल गरी अग्रता दोब्बर बनाए ।
४७ औं मिनेटमा सूर्योदयका आशिष राईले गोल गरी २-१ मा ल्याए । ६१ औं मिनेटमा सूर्योदयकै सचिन यल्मुले गोल गरी बराबरीमा ल्याए । निर्धारित सयममा २-२ गोलको बराबरी भएपछि टाइब्रेकमा विजेता निर्धारण गरिएको थियो ।
प्रतियोगिताका विजेताले नगद २ लाख र उपबिजेताले १ लाख रुपैयाँसहित ट्रफी र प्रमाणपत्र पाउनेछन् । त्यस्तै उत्कृष्ठ खेलाडी, उत्कृष्ठ गोलरक्षक सर्वाधिक गोलकर्ताले जनही ८ हजार रुपैयाँ पाउनेछन् ।
१८ जेठसम्म सञ्चालन हुने प्रतियोगितामा इलामका ४ र झापाका ५ गरी ९ वटा नगरपालिका टिमको सहभागिता रहेको छ । प्रतियोगितामा आयोजक सूर्योदय नगरपालिका सहित इलामका इलाम, देउमाई र माई नगरपालिका तथा झापाका दमक, शिवसतासी, कन्काई, मेचीनगर र अर्जुनधारा नगरपालिकाको सहभागिता छ ।
खेलमा सहभागी टिमका १८ खेलाडी र २ अफिसियल सहित २० जनालाई यातायात खर्चको व्यवस्था आयोजकले गर्नेछ । प्रतियोगिता सम्पन्न गर्न २० लाख ८१ हजार ९ सय ९८ रुपयाँ खर्च हुने अनुमान गरिएको छ ।
खेलको माध्यमबाट पर्यटन क्षेत्रको विकास गर्ने र नगरपालिकाभित्रका युवाहरुलाई दुव्र्यसनबाट मुक्त गराई उत्कृष्ठ खेलाडी उत्पादन गर्ने उदेश्यले प्रतियोगिता आयोजना गरिएको नगरपालिकाले जनाएको छ ।
भिडियो हेर्नुहोस् :