इलाम : इलामको माङसेबुङ गाउँपालिका–३ चिबुवामा जारी प्रथम संस्करणको चिबुवा कप फुटबल प्रतियोगितामा शनिबार योङहाङ एफसी र महमाई एफसी विजयी भएका छन् ।
पहिलो खेलमा नाचुहाङ एफसीलाई २-० गोलको अन्तरमा पराजित गर्दै योङहाङ एफसी विजयी बन्यो । योङहाङ जितका सुदिप लिम्बू र अग्नी लिम्बूले १/१ गोल गरे ।
दोश्रो खेलका लागि सिक्तेम्बा एफसी निर्धारित समयमा उपस्थित नभएपछि महमाई एफसी स्वत विजेता घोषित भयो ।
प्रतियोगिता अन्तर्गत आइतबार पनि दुई खेला सञ्चालन हुनेछन् । पहिलो खेलमा इस्ट इलाम र कालापानी एफसी एवम् दोश्रो खेलमा बीवाइसी वरभञ्ज्याङ र बोझोला एफसीबीच प्रतिष्पर्धा हुने आयोजक समितिले जनाएको छ ।
चिबुवा युथ क्लबले आयोजना गरेको प्रतियोगिताको विजेताले ४० हजार र उपविजेताले २५ हजार नगदसहित ट्रफि, मेडल र प्रमाणत्र पाउनेछन् ।
स्थानीय जनकल्याण आधारभूत विद्यालयको खेलमैदानमा जारी प्रतियोगिताको फाइनल आउँदो कात्तिक १० बजे हुनेछ ।
प्रतियोगितामा इलाम र पाँचथरका २४ टिमको सहभागिता रहेको छ ।
