नाटकका अनुवादक लिङ्देन भन्छन,” कथा कथान्तर जे जस्तो रहेता पनि भूमी संघर्ष आजपर्यन्तको हो। यहाँका आदिम जातिमाथी पछि बस्ती बसाउन आउने अन्य समुदाय उत्पीडक भएकै हुन्। आदिम रैथानेहरुको गौचरन साँघुरियो। खेल्ने रनबन साँघुरियो। उब्जाउ भूमीमाथी तिनले कब्जा गरे।नाटकमा केही नया प्रयोग रहनेछ। साँस्कृतिक अन्तरघुलनमा रैथाने संस्कृति पर्दापण हुने नै छ। यो रसस्वादन र भुमि स्वामित्वमा गोचर राजनैतिक बिषयलाई नजिकबाट नियालौ । ”
करिब एक घण्टाको समयावधि रहेको नाटक हरेक दिन बेलुका ५ बजे देखि र शनिबार १ बजे अतिरिक्त मञ्चन रहने आयोजकले जानकारी गरायो ।यस्तो बिषय बस्तुमा एकदमै कमै मात्र लेख,आख्यान र पुस्तकहरु रहेकै कारण बिषयबस्तु छनौट गरेको निर्देशक आङ्थुपो बताउछन । उनी भन्छन,” आजको पुस्तालाई यो गाउँ कसरी बन्यो, शहरहरु कसरी बने भन्ने बिषयमा कमैलाई थाहा होला या भनौ धेरैलाई थाहा छैन । हाम्रो इतिहास जस्तो कुरा सबैले बुझेको राम्रो जस्तो लाग्छ ।
प्रस्तुत विषय झोडा, मुख्यतय जग्गा आवाद र त्यसको राजनैतिक स्वामित्व र अधिकार प्राप्तिको संघर्षमा केन्द्रित रहेको विषय हो । विशेषत सुदुर पुर्वमा आदिमकाल देखी बसोबास गर्दै आएका आदिवासी जनजातिहरुलाई नाटकमा मुख्य पात्रका रुपमा उभ्याइएको छ । स्थायि रुपमा भौगोलिक विकेन्द्रिकरणको अभ्यास तथा नयाँ आवादमा सरकार र राजनैतिक दलहरुले भुपू सैनिकहरुलाई झोडामा जग्गा दिलाई दिने प्रलोभन (लोभ) मा पारी कसरी प्रयोग गरे, राजनैतिक भुमरीमा परि उनीहरुले के कति मुल्य चुकाउनु पर्यो ? आदिवासी भुमि पुत्रहरु कसरी सुकुम्बासी भए ? राजनैतिक स्वार्थले आफ्नो समुदाय बिच कसरी फाटो ल्यायो ? र आदिवासी जनजाति प्रतिको दृष्टिकोण भुमि स्वामित्वको लागि गर्नु परेको संघर्ष र सुकुम्बासी समस्या नै नाटकको मुल विषय वस्तु हो । “
