माईजोगमाई : बिएफसी गोर्खे र एमवाइसी मानेडाँडा इलामको माईजोगमाई गाउँपालिका-२ खोल्मेमा जारी लभ्ली नकआउट फुटबल प्रतियोगिताको फाइनलमा प्रवेश गरेका छन् ।
सोमबार भएको पहिलो सेमीफाइनल खेलमा एससीएफ सरसिगेलाई १-० को अन्तरमा पराजित गर्दै बिएफसीले अन्तिम दुईमा आफ्नो स्थान सुरक्षित गरेको हो ।
दोस्रो सेमीफाइनल खेलमा आयोजक लभ्ली युवा क्लबलाई २-० गोल अन्तरले हराउँदै एमवाइसी उपाधि नजिक पुगेको हो ।
अब उपाधिका लागि बिएफसी एमवाइसीबीच बुधबार फाइनलमा आमनेसामने हुँदैछन् ।
प्रतियोगिताको विजेताले नग द ३० हजार र उपविजेताले नगद २० हजारसहित ट्रफि पाउनेछन् ।
गत २३ कात्तिकदेखि स्थानीय शारदा आधारभूत विद्यालय खेलमैदानमा जारी प्रतियोगितामा २८ टिमको सहभागिता थियो ।
