संखावासभा : आईएमई लाइफ इन्सोरेन्स कम्पनीले मृत्यु दावी वापत २ लाख २७ हजार २ सय रुपैयाँ बीमितको परिवारलाई भुक्तानी गरेको छ ।
आईएमई लाइफ इन्सोरेन्सको खाँदवारी शाखाले बीमित नेपाल इन्भेस्टमेन्ट बैंक खाँदबारी शाखामा कार्यरत भुपाल श्रेष्ठका बाबु सन्तकुमार श्रेष्ठलाई २ लाख २७ हजार २ सय रुपैयाँको चेक रकम प्रदान गरेको हो ।
पुवादुङ्मा १ भोजपुर निवासी श्रेष्ठको गत २२ भदौमा निधन भएको थियो ।
श्रेष्ठले २५ चैत २०७५ मा १५ वर्षीय २ लाख रुपैयाँको बिमा गराएका थिए । श्रेष्ठले वार्षिक रुपमा १३ हजार २ सय १३ रुपैयाँ तिर्दै आएका थिए ।
कम्पनीले बीमाङ्क रकममा बोनस थपेर भुक्तानी गरेको हो ।
