पाँचथर : फाल्गुनन्द गाउँपालिका–२, युमा ताम्भुङ् सामुदायिक वन क्षेत्रमा जंगली जनावरको आक्रमणले बाख्रा बाघ मारेको छ । स्थानीय डिल्ली हाङ नेम्बाङका अनुसार, गाउँका तुलसी राम आचार्यको एउटा खसी र दुईवटा बाख्रा जंगली जनावरले मारेको छ। तीमध्ये एक बाख्रा मृत भेटिएको र जमिनमा गाडिएको उनले जनाए । यस घटनापछि स्थानीय बासिन्दा निकै डराएका छन्। सानो बाघले आक्रमण गरेको हुनसक्ने आशंका गरिएको छ।बच्चाहरूलाई एक्लै स्कुल पठाउन नहुने अवस्था आएको स्थानीय बताउँछन् ।
यसैगरी, केही दिन अघि फाल्गुनन्द–६ स्थित बनपाला आसपासका क्षेत्र पनि बाघको सम्भावित गतिविधिका कारण उच्च जोखिममा रहेको ६ नम्बर वडा निवासी अमर आङ्देम्बेले जानकारी दिए । स्थानीय वन उपभोक्ता समिति, वडा कार्यालय र सम्बन्धित निकायहरूले घटनाको अनुसन्धान सुरु गरेका छन्। स्थानीयवासीलाई वन क्षेत्रमा जानुपर्दा सावधानी अपनाउन र साना बालबालिकालाई एक्लै नपठाउन आग्रह गरिएको छ। स्थानीय जनताको सुरक्षाका लागि आवश्यक कदम चाँडै चालियोस् भन्ने मागसमेत गरिएको छ।
