काठमाडौँ । नेकपा माओवादी केन्द्रका अध्यक्ष तथा प्रमुख प्रतिपक्षी दलका नेता पुष्पकमल दाहाल ‘प्रचण्ड’ले प्रतिनिधि सभा बैठकमा बिहीबार निकै लामो सम्बोधन गरे ।
सम्बोधनका क्रममा प्रचण्डले मुख्यगरी तीन वटा सन्देश प्रवाह गरेका छन् । प्रधानमन्त्री केपी शर्मा ओलीप्रति उनले आक्रामक रवैयालाई कायम राखेका छन् । यद्यपि सत्ता साझेदार नेपाली कांग्रेसप्रति उनले सद्भाव नै प्रकट गरे ।
प्रमुख प्रतिपक्षी दलका नेताको हैसियतबाट उनले संसदमा रहेका साना दललाई भने सान्त्वना दिएका छन् । साना दलको संरक्षकका रूपमा उनले आफूलाई संसदमा प्रस्तुत गरे ।
