इलाम : इलाम नगरपालिकाको गौरवको आयोजना अन्तर्गत इलाम नगरपालिका वार्ड नं ९ भन्ज्याङमा मल्टीप्रर्पोज कर्वड हल निर्माणको लागि शिलान्यास कार्यक्रम सम्पन्न भएको छ । नगर प्रमुख केदार थापाले सोमबार कर्वडहल निर्माणको कार्य शुभारम्भ गर्दै यसबाट नगर क्षेत्रमै राष्ट्रिय र अन्तर्राष्ट्रियस्तरका खेलाडी उत्पादन गर्न सकिने बताए ।
कवर्डहलका लागि रु ७२ लाख विनियोज गरिएको भएपनि कम रकममै ठ्क्का लागेको हो । यसमा शौचालय, वासरुम, कपडा बदल्ने कोठा, बेडमन्टिन कोर्ट,लगायत निर्माण गरिने थापाले जानकारी दिए ।
कवर्डहलमै कार्यालय कक्ष र वरिपरिको क्षेत्रमा पर्खाल लगाई सुरक्षित बनाइने र निर्माण कार्य आउने असार मसान्तभित्रै सम्पन्न गर्ने लक्ष्य लिइएको वडा अध्यक्ष गोपाल चौहानले बताए ।
वडा अध्यक्ष चौहानको अध्यक्षता तथा प्रमुख अतिथि इलाम नगरपालिका प्रमुख केदार थापा तथा विशेष अतिथी नगरपालिकाका प्रमुख प्रशासकिय अधिकृत गणेश कुमार खड्काको उपस्थितिमा कबर्ड हलको शिलान्यास वैदिक विधिबाट गरिएको छ ।
