झापा : किरात याक्थुङ चुम्लुङ लिम्बुवान समितिले प्रथम अन्तर्राष्ट्रिय केला:ङ प्रतियोगिता आयोजना गर्ने भएको छ ।
लिम्बू समुदायको महान् चाड चासोक तङ्नाम (उधौली) को अवसरमा केला:ङ प्रतियोगिता आयोजना गर्न लागिएको चुम्लुङ लिम्बुवान प्रदेश समिति अध्यक्ष मधुराज केरुङले जानकारी दिए ।
आइतबार झापाको लाट्टे आर्टमा सम्पन्न समितिको छैटौं पूर्ण बैठकले सो निर्णय गरेको उनले बताए । मङ्सिर अन्तिम साता झापाको आदिवासी रङ्गशालामा प्रतियोगिता आयोजना गर्ने अध्यक्ष केरुङले बताए । ।
प्रतियोगितामा नेपालसहित भारतका दार्जिलिङ, सिक्किम, कालेङपुङसहित, हङकङ, अमेरिकालगायतका क्षेत्रबाट सहभागी हुने उनले बताए । प्रतियोगिताका विजेताले एक लाख भन्दा बढी पुरस्कार दिने योजना भइरहेको आयोजकले जानकारी दिएको छ ।
साथै, बैठकले प्रदेश समितिको हेरफेर गरी पूर्णता दिइएको छ ।
