इलाम : जुनियर (यु-१५) राष्ट्रिय बुद्दिचाल प्रतियोगिता-२०८१ को लागि इलाम जिल्ला छनौट प्रतियोगिता सम्पन्न भएको छ ।
इलाम जिल्ला बुद्दिचाल संघको आयोजना, जिल्ला खेलकुद विकास समिति, इलामको समन्वय र प्रदेश बुद्दिचाल संघको प्राविधिक सहयोगमा भएको प्रतियोगिताबाट छात्र/छात्रा २/२ जना छनौट भएका छन् ।
बिहीबार जिल्ला समन्वय समिति इलामको समिक्षालयमा सम्पन्न प्रतियोगिताबाट विजय भई छनौट हुनेमा छात्रतर्फ प्रथम प्रज्ञा सदन इलामका दिपेश तामाङ (इलाम नगरपालिका- ६), र द्वितीय सनराइज अङ्ग्रेजी स्कुल, सुर्योदयका सक्षम पौडेल (सुर्योदय नगरपालिका-८) भएका छन् ।
विजेता ४ जनालाइ ट्रफि र सहभागी सबैलाई प्रमाणपत्र वितरण गरिएको थियो ।
छात्रातर्फ प्रथम इलाम रोजमेरी सुर्योदयकी रिस्ता राई (सुर्योदय नगरपालिका-११) र द्वितीय ग्रीनभ्याली एकेडेमी अध्ययनरत आन्वि राई रहेकी छन् ।
इलाम बुद्दिचाल संघका अध्यक्ष प्रकाश परियारको अध्यक्षता भएको प्रतियोगिता आर्विटर तारानिधि घिमिरे रहेका थिए । छ्नौट भएका खेलाडीले प्रदेश स्तरीय छनौटमा सहभागी हुने अवसर पाउनेछ्न् ।
जुनियरको राष्ट्रिय प्रतियोगिता यहि जेठ ३० देखि ३२ सम्म पोखरामा हुने प्रदेश बुद्दिचाल संघका अध्यक्ष सुरेन्द्र कुमार राइले जानकारी दिए ।
