न्यूयोर्क । अमेरिकामा रहेका नेपालीहरुको एक समुहले धनकुटाको चौबिसे गाउँपालिका ६ की शसि हाङ्गमा सोदेम्बा (लिम्बु) लाई आर्थिक सहयोग गरेको छ । अमेरिकाको विभिन्न क्षेत्रमा रहेका व्यक्तिहरुको “हाम्रो साथ हाम्रैको लागि“ भन्ने समुहले चौबिसे गाउँपालिका वडा नं ६ राजारानीका आइत सोदेम्बा र स्व. लक्ष्मी चेम्जोङकी छोरी बर्ष २० की शसिहाङ्मा लिम्बूको शैक्षिक क्षेत्रको निरन्तरतामा टेवा पुर्याउने उदेश्यले आर्थिक सहयोग गरिएको समुहका संयोजक दीपक थेबेले बताए ।
समुहले शसिहाङ्मालाई एक लाख नौ हजार एक सय उन्ठाउन्न रुपैयाँ आर्थिक सहयोग गरेको हो । एक कार्यक्रमकाबिच मंगलबार शसिहाङ्मालाई चन्द्रकुमार चेम्जोङको संयोजकत्वमा साथै जीवन राई, अनुल चेम्जोङ, पूर्ण प्रसाद चेम्जोङ र धनेन चेम्जोङको उपस्थितिमा सो रकम बराबरको आर्थिक सहयोग हस्तान्तरण गरिएको हो ।
नेपालमा रहेका लिम्बू समुदाय भित्रका विपन्न तथा जेहेन्दार व्यक्तिलाई हौसला स्वरुप प्रत्येक वर्ष आर्थिक सहयोग उपलव्ध गराउने उदेश्यले यो समुह स्थापना भएको हो । समुहले प्रत्येक वर्ष एक जना गरिब तथा जेहेन्द्र व्यक्तिलाई आर्थिक सहयोग गर्दै आएको छ ।
यो समुहले विशेष गरि विद्यार्थी, कलाकार, साहित्यकार, कवी र अन्य विभिन्न क्षेत्रका व्यक्तिहरु समेट्ने गरेको छ । समुहले अमेरिकाबाट बुद्ध चेम्जोङको संयोजकत्वमा सहयोग अभियान संचालन गरेको थियो ।
“हाम्रो साथ हाम्रैको लागी“ समुहको सदस्यहरुमा प्रेम मेन्याङ्बो (न्युयोर्क) बन्दना तुबाहाङ्फे (न्युयोर्क) घनेन्द्र माबो (बल्टिमोर) हिक्मत आङ्बुहाङ् (न्युयोर्क) बुद्ध चेम्जोङ् (कनेक्टिकट) सरस्वती कन्दङ्वा (न्युयोर्क) इन्दिरा चोङ्बाङ् (न्युयोर्क) पिके थक्लुङ् (बाल्टिमोर) पूर्ण थेवे (कनेक्टिकट) राज लिम्बु (न्युयोर्क) राम सोदेम्बा (न्युयोर्क) बिबस माङ्मु (मासाचुसेत) धन योङ्हाङ् (न्युयोर्क) दिपक थेवे (न्यूजर्सी) बाट रहेका छन् ॥
