इलाम : इलामको सन्दकपुर गाउँपालिकाले स्थानीय पाठ्यक्रमको लागि सन्दर्भसामग्री निर्माण गर्दै आएको छ । गाउँपालिकाले ‘हाम्रो सन्दकपुर’ नामक स्थानीय पाठ्यक्रमको सन्दर्भ सामग्री निर्माण गर्न थालेको हो ।
गाउँपालिकाले चालू आर्थिक बजेटको स्वीकृत कार्यक्रम अनुरुप सन्दर्भसामग्री निर्माण गर्न लागेको हो । कक्षा १ देखि ८ सम्मको लागि पाठ्यक्रम निर्माण गरी सञ्चालनमा ल्याइसकेको छ ।
सन्दर्भ सामग्री निर्माणको लागि गाउँपालिकाले विषयविज्ञहरुसँग समन्वय गर्दै आएको छ । सन्दर्भ सामग्री निर्माण गरेसँगै गाउँपालिकाले स्थानीय पाठ्यपुस्तक बनाउन थालनी गर्ने जनाएको छ ।
गाउँपालिकाले पर्यटन, धर्म, संस्कृती, खेलकुदलगायत विभिन्न ९ क्षेत्रलाई समेटेर स्थानीय पाठ्यक्रम निर्माण गरेको छ ।
-पालिकाखबर
